जळगाव मिरर | १ जुलै २०२४
जळगाव जिल्ह्यात गेल्या काही महिन्यापासून गुन्हेगारी मोठ्या प्रमाणात वाढत आहे. त्यामुळे अनेक ठिकाणी खुनाच्या देखील घटना घडत आहे. नुकतेच जामनेर तालुक्यातील एका गावात ३६ वर्षीय महिलेच्या डोक्यात दगड टाकून खून करण्यात आल्याची धक्कादायक घटना उघडकीस आली आहे.
मिळालेल्या माहितीनुसार, जामनेर तालुक्यातील शहापूर येथील विधवा महिलेच्या डोक्यात दगड टाकून तरुणाने खून केल्याची घटना आज दि.१ जुलै २०२४ रोजी घडली असून यात मयत संगीता पिराजी शिंदे ( वय ३६ ) संशयित आरोपी किरण कोळी (वय २६) मद्यधुंद अवस्थेत तरुणाने महिलेच्या डोक्यात दगड टाकून खून केला आहे. संशयित आरोपी किरण कोळी (वय २६) या तरुणाने महिलेच्या घरी जाऊन सतत महिलेसोबत वाद घालत असायचा तसेच आज सकाळी महिलेसोबत वाद घालून रागाच्या भरात तरुणाने महिलेच्या डोक्यात दगड टाकून महिलेला ठार करून तिथून पळून गेला. घराजवळील काही नागरिकांच्या हा प्रकार लक्षात येताच त्वरित जामनेर पोलीस निरीक्षक किरण शिंदे यांना घटनेची माहिती मिळताच तात्काळ घटनास्थळी पोलिस यंत्रणा दाखल झाली. फरार झालेला आरोपी याचा शोध घेत त्याला पोलिसांनी अटक केली आहे. पुढील तपास पोलीस निरीक्षक किरण शिंदे करत आहे.
