जळगाव मिरर | २ नोव्हेबर २०२३
राज्यात मराठा समाजाला आरक्षण मिळावे यासाठी मनोज जरांगे पाटील यांचे उपोषण सुरु आहे तर अनेक जिल्ह्यात आंदोलकांची एसटीचे मोठे नुकसान केल्यावर आता अभिनेत्री केतकी चितळेने एक पोस्ट व्हायरल केल्याने नेटकरी चांगलेच संतप्त झाले आहे.
काय आहे अभिनेत्री केतकी चितळेची पोस्ट !
सोशल मीडियावर पोस्ट करत केतकी चितळेने म्हटले आहे की, एसटी बस फोडून आरक्षण कसे मिळते बुवा? इंडियाला Uniform Civil Code (UCC) हवा असेल, पण भारताला Uniform Civil Law तसेच Uniform Criminal Law ची गरज आहे. सरकारकडे मागणी करा, सामान्य माणसाला त्रास देऊन काय होणार? आणि एस टी विभाग किंवा चालक कसे देणार आरक्षण. चुकुन तो दगड चालकाला लागला असता तर?
दरम्यान, केतकी चितळेच्या या पोस्टवर मराठा आंदोलक समर्थकांनी संतप्त प्रतिक्रिया दिल्या आहेत. मराठा समाजाने 55 मोर्चे शांततेत काढले होते त्यावेळी सरकार आणि तुम्ही झोपले होते का? असा सवाल एका युझर्सने केला आहे. Live येऊन debate करता का ताई मग सांगतो? इतका अभ्यास असेल तर चर्चा करू, असे आव्हान एका युझरने दिले आहे. तर, सध्या वातावरण खराब आहे अशा पोस्ट नका करू plzz, अशी विनवणी एकाने केली आहे.