जळगाव मिरर | ६ डिसेंबर २०२३
जळगाव जिल्ह्यातील अनेक छोट्या मोठ्या गावात अल्पवयीन मुलीवर विनयभंग व अत्याचाराच्या घटना घडत असतांना नुकतेच एक प्रकरण समोर आले आहे. अल्पवयीन बालिकेला अज्ञाताने पळवून नेट सुरत गाठले. या ठिकाणी तिच्यावर अत्याचार केला. या प्रकरणी आता जामनेर तालुक्यातील बेटावद येथील समाधान लक्ष्मण सुरासे (वय २३) याला जिल्हा न्यायालयाने ८ डिसेंबरपर्यंत पोलिस कोठडी सुनावली आहे.
मिळालेल्या माहितीनुसार, जामनेर तालुक्यातील एका खेड्यातील अल्पवयीन बालिकेला अज्ञात व्यक्तीने पळवून नेल्याप्रकरणी गुन्हा दाखल करण्यात आला होता. अपह्रत बालिकेस समाधान लक्ष्मण सुरासे हा घेवुन गेल्याची माहिती पेालिसांना मिळाली. पथकाने सुरत गाठून ४ डिसेंबरला पिडितेला सुरत येथून परत आणले. पिडीत मुलीची वैद्यकीय तपासणी केल्यानंतर तिच्या सेाबत अनैतिक कृत्य झाल्याचे आढळून आले. मुलीला विश्वासात घेवुन चौकशी केल्यावर मुलीने जबाब दिला.
