जळगाव मिरर | २४ जुलै २०२४
दगडाचा धाक दाखवित वाईन शॉपमध्ये घुसुन दारुच्या बाटल्यांसह गल्ल्यातील सात हजारांची रोकड जबरीने चोरुन नेली. ही घटना रविवार दि. २१ जुलै रोजी मध्यरात्रीच्या सुमारास उघडकीस आली. याप्रकरणी शहर पोलीस ठाण्यात अज्ञात दरोडेखोरांविरुद्ध शहर पोलीस ठाण्यात गुन्हा दाखल करण्यात आला आहे.
मिळालेल्या माहितीनुसार, शहरातील चित्रा चौकात नीलम वाईन शॉप नावाचे दारु विक्रीचे दुकान आहे. याठिकाणी मुकुंदा भास्कर कोल्हे हे मॅनेजर म्हणून काम करतात. दरम्यान रविवारी दि. २१ जुलै रोजी रात्री ८ वाजेच्या सुमारास अज्ञात तीन जण दुकानावर आले. तिघांनी दगडाचा धाक दाखवत दुकानात काम करणारा सलीम तडवी याला शिवीगाळ करत दुकानातून २ दारूच्या बाटल्या आणि गल्ल्यातून ७ हजार रुपयांची रोकड जबरी हिसकावून चोरून नेल्याची घटना घडली आहे. या घटनेबाबत शॉपचे मॅनेजर मुकुंदा भास्कर कोल्हे यांनी जळगाव शहर पोलिसात धाव घेऊन तक्रार दिली. त्यानुसार सोमवारी २२ जुलै रोजी मध्यरात्री अज्ञात तीन जणांविरोधात गुन्हा दाखल करण्यात आला आहे.
