जळगाव मिरर | १६ ऑक्टोबर २०२३
गेल्या काही महिन्यापूर्वीच शरद पवारांच्या राष्ट्रवादीतून अजित पवार यांच्यासह काही आमदारांनी काढता पाय घेत फडणवीस व शिंदे सोबत सत्तेत सहभागी झाले होते. तेव्हापासून राष्ट्रवादीत देखील राजकारण रंगू लागले असतांना आता येणाऱ्या दसरा व दिवाळीमध्ये राजकीय गोप्यस्फोट होणार असल्याचे संकेत शिंदे गटाच्या मंत्र्यांनी दिल्याने राजकीय वातावरण ढवळून निघाले आहे.
मंत्री शंभूराज देसाई म्हणाले कि, राष्ट्रवादी काँग्रेसच्या शरद पवार गटातील काही नेत्यांची मुख्यमंत्री एकनाथ शिंदे व उपमुख्यमंत्री देवेंद्र फडणवीस यांच्याशी चर्चा सुरू आहेत. हे नेते अजित पवारांच्या गटात जाणार आहेत. त्यामुळे यंदा दसरा व दिवाळीत मोठे धमाके होणार आहेत, असे सूचक विधान त्यांनी केले आहे. त्यांच्या या विधानामुळे राज्याच्या राजकारणात पुन्हा भूकंप होण्याची शक्यता व्यक्त केली जात आहे. राज्य मंत्रिमंडळाचा लवकरच विस्तार होणार आहे. राष्ट्रवादीच्या शरद पवार गटाकील काही नेत्यांची मुख्यमंत्री एकनाथ शिंदे व देवेंद्र फडणवीस यांच्याशी चर्चा सुरू आहे. हे नेते लवकरच अजित पवार यांच्या गटात प्रवेश करणार आहेत. त्यामुळेच कदाचित मंत्रिमंडळ विस्ताराला विलंब होत आहे, असे शंभूराज देसाई यांनी म्हटले आहे.
