जळगाव मिरर | १७ जून २०२४
दिनांक ११ जून २०२४ रोजी मोजे चिंचखेडा बुद्रुक तालुका जामनेर जिल्हा जळगाव या ठिकाणी आदिवासी समूहातील सहा वर्षीय बालिकेवर अमानुषपणे अत्याचार करून तिची निर्घृण हत्या करण्यात आली. या निषेधार्थ आज दि.१७ रोजी पोलीस अधीक्षक महेश्वर रेड्डी तसेच जिल्हाधिकारी आयुष प्रसाद यांना जळगांव जिल्हातील समस्त बहुजनवादी संघटनेतर्फे जाहीर निवेदन देण्यात आले.
संपुर्ण मानवतेला काळीमा फासणाऱ्या अशी ही घटना जामनेर तालुक्यात घडली .सदर हे कृत करणारा संशयित आरोपी आजही मोकाट फिरत असून पोलिसांनी विशेष पथकाची नियुक्ती करून त्याला त्वरित अटक करण्यात यावी व त्याला जेलमध्ये टाकून फास्टट्रॅक कोर्टात हा खटला चालवून त्याला फाशीची शिक्षा ठोठवण्यात यावी अशी प्रमूख मागणी चे निवेदन मा.पोलीस अधिक्षक महेश्वर रेड्डी साहेब यांना देण्यात आले सदरचे घटना ही अत्यंत क्लेशदायक असल्याकारणाने शासन व प्रशासनाने या घटनेकडे गांभीर्यपूर्वक लक्ष द्यावे या घटनेमुळे समाजात शासन व प्रशासनाच्या विरोधात तीव्र पडसाद उमटत असून येणाऱ्या काळात पीडिताला न्याय मिळवण्यास विलंब झाला तर भारत मूर्ती मोर्चा व सर्व बहुजनवादी सहयोगी संघटनाच्या माध्यमातून तीव्र स्वरूपाचे आंदोलन छेडण्यात येईल असा इशारा सर्व बहुजन समाजवादी संघटनेच्या वतीने देण्यात आला.
यावेळी राजूभाऊ खरे( जिल्हाध्यक्ष बहुजन मुक्ती पार्टी), विजय सुरवाडे (जिल्हा कार्याध्यक्ष बहुजन मुक्ती पार्टी),देवानंद निकम (जिल्हाध्यक्ष भारत मुक्ती मोर्चा), गफुर तडवी (आदिवासीं एकता परिषद),सुनील देहदे(बहुजन क्रांती मोर्चा), भारती म्हस्के(राष्ट्रीय मूलनिवासी महिला संघ), जलाल तडवी,जाकीर तडवी, हुसेन तडवी,विनोद अडकमोल, मुकेश नेतकर,सुनील साळवे,राष्ट्रपाल सुरडकर, सुनील बाविस्कर, गुरुदेव सोनवणे, तसेच भारत मुक्ती मोर्चा, राष्ट्रवादी एकता परिषद,बहुजन क्रांती मोर्चा, बहुजन मुक्ती पार्टी, वीर आदिवासी एकता एकलव्य परिषद,राष्ट्रीय मूलनिवासी महिला कर्मचारी संघ,गुरु रविदास मोर्चा, छत्रपती क्रांती सेना, लहुजी सेना, अशा विविध सामाजिक संघटनांचे प्रतिनिधी यावेळी उपस्थित होते.
