छत्रपती शिवाजी महाराज बहुउद्देशीय संस्थेचा उपक्रम : विद्यार्थ्यांचा उत्स्फूर्त सहभाग
जळगाव मिरर | २२ फेब्रुवारी २०२६
भुसावळ येथील छत्रपती शिवाजी महाराज बहुउद्देशीय संस्थेतर्फे शिवजयंतीनिमित्त इयत्ता चौथीच्या शिवछत्रपती पाठ्यपुस्तकावर आधारित शिवछत्रपती अभिवाचन स्पर्धेत विद्यार्थ्यांनी उस्फूर्त सहभागी होऊन अभिवाचनातून शिवचरित्राचा जागर केला. स्पर्धेत सहभागी अनेक विद्यार्थ्यांनी वेशभूषा धारण करून सादरीकरण केले.
दरवर्षीप्रमाणे यंदाही शिवछत्रपती अभिवाचन स्पर्धा भुसावळ येथील म्युनिसिपल हायस्कूलमध्ये पार पडली. उद्घाटन समारंभात नगरपरिषद माध्यमिक शिक्षण समिती सभापती राजेंद्र आवटे, नगरसेविका डॉ. छाया फालक देशमुख, गुरूदेव ज्येष्ठ नागरिक संघाचे अध्यक्ष नारायण पाटील, डायटचे अधिव्याख्याता प्रा. शैलेश पाटील, साहित्यिक प्रभावती पाटील, संस्थाध्यक्ष डि.के. पाटील, सचिव डॉ. जगदीश पाटील यांच्यासह परीक्षक उपस्थित होते. प्रारंभी छत्रपती शिवरायांच्या प्रतिमेचे पूजन करून पुष्पहार अर्पण करण्यात आला. प्रास्ताविक डी.के. पाटील यांनी तर प्रा. शैलेश पाटील व राजेंद्र आवटे यांनी मनोगत व्यक्त केले. त्यानंतर परीक्षकांचा सत्कार करण्यात आला. स्पर्धेची बैठक व्यवस्था डॉ. जगदीश पाटील यांनी सांगितली. सूत्रसंचालन व आभारप्रदर्शन डॉ. जगदीश पाटील यांनी केले. त्यानंतर पाचवी-सहावी, सातवी-आठवी आणि नववी-दहावी अशा तीन गटात वर्गनिहाय स्पर्धा पार पडली. त्यानंतर वर्गातच परीक्षकांच्या हस्ते सहभाग प्रमाणपत्र प्रदान करण्यात आले. बक्षीस वितरण समारंभाला नगराध्यक्ष गायत्री भंगाळे, उद्योजिका मंगला पाटील, सेवानिवृत्त उपप्राचार्य प्रमोद आठवले, नारायण पाटील, जगदीश चौधरी उपस्थित होते. प्रमोद आठवले व मंगला पाटील यांनी मनोगत व्यक्त केले. अध्यक्षीय मनोगतात नगराध्यक्ष गायत्री भंगाळे यांनी शिवरायांच्या चरित्राचा संस्कार बालमनात रूजवण्यासाठी अशा नाविन्यपूर्ण उपक्रमांची गरज असल्याचे सांगितले. संस्था सचिव डॉ. जगदीश पाटील यांनी निकाल जाहीर केला. तीनही गटातील विजेत्यांचा मान्यवरांच्या हस्ते स्मृतिचिन्ह व प्रमाणपत्र देऊन सन्मान करण्यात आला.
सुजाण परीक्षकांकडून परीक्षण – शिवछत्रपती अभिवाचन स्पर्धेत राजेंद्र गवळी, दिनकर जावळे, दत्तात्रय जावळे, भगवान गुंजाळ, नारायण पाटील, जगदीश चौधरी, रमेश रावते, साधना मोहरील, लतिका क्षीरसागर, संध्या भोळे, मेघा कुरकुरे, जयश्री काळवीट, सुरेखा कुरकुरे, उज्ज्वला वराडे, संजय ताडेकर, मनीषा ताडेकर आदींनी परीक्षक म्हणून काम केले.
स्पर्धेचा निकाल असा – प्रथम गटात प्रथम लावण्या पंकज बेंडाळे, द्वितीय वेदिका निळकंठ खाचणे, तृतीय संजना योगेश नायके, उत्तेजनार्थ पार्थ भाऊलाल सपकाळे. द्वितीय गटात प्रथम खुशबू संदीप तायडे, द्वितीय भुवनेश प्रदीप निळे, तृतीय हर्षाली भागवत लोहार, उत्तेजनार्थ डिंपल विजय काकडे. तृतीय गटात प्रथम वरद भरत फेगडे, द्वितीय मनीष संजय मावळे, तृतीय समीक्षा सूरज खंडेराव.
