जळगाव मिरर / १ एप्रिल २०२३ ।
आजपासून नवीन आर्थिक वर्षाच्या सुरुवात झाली आहे. त्यामुळे देशातील नागरिकांना मोठा दिलासा मिळाल्याची बातमी समोर आली आहे. LPG सिलिंडरच्या किंमती कमी झाल्या आहेत. पेट्रोलियम कंपन्या प्रत्येक नवीन महिन्याच्या पहिल्या तारखेला एलपीजी, एटीएफ, केरोसीन तेल इत्यादींच्या किंमतींचा आढावा घेतात आणि त्यात बदल करतात.
पेट्रोलियम कंपन्यांनी आज नवीन आर्थिक वर्षाच्या पहिल्या दिवशी एलपीजी सिलिंडरच्या किंमतीत कपात केली असून ही कपात व्यावसायिक सिलिंडरच्या किंमतीत करण्यात आली आहे. 19 किलोच्या व्यावसायिक गॅस सिलेंडरच्या किंमतीत आज 92 रुपयांनी कपात करण्यात आली आहे. दिल्ली, मुंबई, कोलकाता, चेन्नई या सर्व शहरांमध्ये व्यावसायिक गॅस सिलिंडरच्या दरात कपात करण्यात आली असून ते स्वस्त झाले आहेत.