जळगाव मिरर / १५ मार्च २०२३
राज्यातील मुख्यमंत्री एकनाथ शिंदेंची शिवसेना ठाकरे गटाला धक्का देण्यापासून एकही संधी सोडत नसल्याचे दिसत आहे. नुकतेच शिंदे गटात भूषण देसाई यांनी प्रवेश केल्यावर आज पुन्हा एकदा ठाकरे गटाला मोठा धक्का बसला आहे.
उद्धव ठाकरे यांच्या अनेक निष्ठावंतांनी एकनाथ शिंदे यांचं नेतृत्व स्विकारल्याचं पाहायला मिळालं. ठाकरे गटातील नेते आणि माजी आरोग्यमंत्री डॉ. दीपक सावंत यांनी शिवसेनेत प्रवेश केला आहे. बाळासाहेब भवनात हा प्रवेशाचा कार्यक्रम पार पडला आहे. ठाकरे गटाला हा मोठा धक्का मानला जात आहे. याआधी सुभाष देसाई यांचे चिरंजीव भूषण देसाई यांनी शिंदे गटात प्रवेश केला आहे.
https://twitter.com/i/broadcasts/1mrGmkmleAMxy?ref_src=twsrc%5Etfw%7Ctwcamp%5Etweetembed%7Ctwterm%5E1635989279661752324%7Ctwgr%5E25de23e82b0341d71337844b390f619aa1aeb945%7Ctwcon%5Es1_&ref_url=https%3A%2F%2Fwww.esakal.com%2Fmaharashtra%2Fformer-health-minister-dr-deepak-sawant-joins-shiv-sena-rmn00
राज्यातील विधानसभा निवडणुकीला जेमतेम एक वर्ष शिल्लक आहे. या पार्श्वभूमीवर सत्तेतून अनपेक्षितपणे बाहेर पडलेल्या महाविकास आघाडीने निवडणुकीची तयारी सुरू केली आहे. सध्या शिवसेनेची वाताहत झाली असून पक्षचिन्हासह अख्खा पक्ष भाजपसोबत असताना उद्धव ठाकरे रस्त्यावर उतरले आहेत. उद्धव ठाकरे यांनी आज महाविकास आघाडीच्या बैठकीत निवडणुकीचे रणशिंग फुंकले. पण त्याचवेळी ठाकरे गटाला मोठा धक्का बसला आहे.