जळगाव मिरर | ९ नोव्हेबर २०२३ | देशभरात विधानसभा निवडणुकीचा जोर सुरु आहे यात तेलंगणामध्ये देखील विधानसभा निवडणुकांची रणधुमाळी सुरू झाली असून निवडणुकांची तारीख अंतिम टप्प्यात आल्याने प्रचाराच्या तोफा धडाडताना दिसत आहेत. सर्वच राजकीय पक्षांनी ३० नोव्हेंबरला होणाऱ्या निवडणुकांसाठी मोर्चेबांधणी सुरू केली असून सभा आणि रॅल्यांचा धडाका सुरू आहे. अशातच तेलंगणाचे मंत्री आणि मुख्यमंत्री के. चंद्रशेखर राव यांचे सुपुत्र केटीआर राव यांच्या रॅलीमध्ये मोठी दुर्घटना झाली. ज्याचा व्हिडिओ माध्यमांवर व्हायरल होत आहे.
#WATCH | Telangana Minister and BRS leader KTR Rao fell down from a vehicle during an election rally in Armoor, Nizamabad district.
More details awaited. pic.twitter.com/FSNREb5bZZ
— ANI (@ANI) November 9, 2023
मिळालेल्या माहितीनुसार, तेलंगणामधील विधानसभा निवडणुकीसाठी राजकीय पक्ष मैदानात उतरले असून जोरदार सभा आणि रोड शो होत आहेत. अशातच गुरुवारी भारतीय राष्ट्र समितीच्या (बीआरएस) मंत्र्यांच्या रॅलीमध्ये एक मोठी दुर्घटना घडली. तेलंगणाचे मंत्री आणि बीआरएस नेते केटीआर राव यांच्या रॅलीमधील रथाचा रेलिंग अचानक तुटल्याने मंत्र्यांसह ट्रकवरील सर्व नेते खाली कोसळले. निजामाबाद जिल्ह्यातील आर्तुर गावात ही रॅली सुरू होती. सोशल मीडियावर या घटनेचा व्हिडिओ जोरदार व्हायरल होत आहे.
या व्हायरल व्हिडिओमध्ये तुम्ही पाहू शकता की, मंत्री केटीआर राव यांची प्रचार रॅली गावातील एका अरुंद गल्लीमधून पुढे सरकत आहे. केटीआर राव यांच्यासह अनेक नेते प्रचाररथाच्या वरती चढले आहेत. अचानक गाडीचा ड्रायव्हर जोरदार ब्रेक मारतो. ज्यामुळे रथाचे रेलिंग तुटते. हे रेलिंग तुटल्याने मंत्री केटीआर राव यांच्यासह वरती चढलेल्या नेत्यांचा तोल जातो आणि सर्वजण जोरात खाली कोसळतात. दरम्यान, या व्हिडिओनंतर मंत्री आणि मुख्यमंत्र्यांचे सुपुत्र केटीआर हे पुर्णपणे सुरक्षित असल्याची माहिती देण्यात आली आहे. तसेच कोडंगलमध्ये तो आणखी एका रोड शोसाठी जाणार आहेत
