जळगाव मिरर | १० जुलै २०२४
देशातील यूपीमधील उन्नावमध्ये डबलडेकर बस आणि टँकरचा भीषण अपघाताची बातमी समोर आली आहे. या भीषण अपघातात बसमधील 18 प्रवाशांचा मृत्यू झाला. 30 जखमी आहेत. मृतांमध्ये 14 पुरुष, 2 महिला आणि 2 लहान मुलांचा समावेश आहे. बुधवारी पहाटे लखनऊ-आग्रा द्रुतगती मार्गावरील बांगरमाऊ कोतवालीजवळ हा अपघात झाला.
ही धडक इतकी भीषण होती की बसची एक बाजू पूर्णपणे उद्ध्वस्त झाली. आत बसलेले प्रवासी बाहेर येऊन पडले. त्याचा जागीच मृत्यू झाला. डीएम आणि एसपी घटनास्थळी पोहोचले. अपघाताचे व्हिडिओ समोर आले आहेत. रुग्णालयाबाहेर मृतदेह विखुरलेले दिसत आहेत.
पहाटे 5.15 वाजता हा अपघात झाल्याचे पोलिसांनी सांगितले. एक्स्प्रेस वेवर बसचा वेग जास्त होता, त्याचवेळी मागून येणाऱ्या दुधाच्या टँकरने तिला ओव्हरटेक करण्याचा प्रयत्न केला. यावेळी बसची समोरासमोर धडक झाली. एका बाजूने टँकर बसमधून पुढे गेला. टँकर पुढे उलटला. पोलिसांनी जखमींना बांगरमाऊ सीएचसीमध्ये दाखल केले आहे. गंभीर जखमींना लखनऊ ट्रॉमा सेंटरमध्ये पाठवण्यात आले आहे. ही बस बिहारमधील सिवान येथून दिल्लीला जात होती.
